நான் இன்னும் ஏகன் பார்க்கல பார்த்தால் துரோகின்னு சொல்றாங்க..

1:08 PM Hisham Mohamed - هشام 22 Comments


இப்பெல்லாம் நானும் ஏதோ சொல்ல ஆரம்பிச்சிட்டேன் பாருங்கோ. குறத்தி கதை சொன்னதெல்லாம் அப்போ இப்ப நான் பதியுறது புதுசு கண்ணா.

ஏகன் படம் பார்கலாம்னு ஒரு நண்பரை அழைத்தேன் படம் பார்த்தால் பட்டம் தாராங்கப்பா நான் வரல்லன்னு சொன்னாரு அப்பறம் நானும் யோசித்தேன் இருக்கிற பட்டத்தை பறக்க விட்றதுக்கே நேரமில்ல இது எதுக்கு. அஆஆ கடைசியா நண்பர் ஒன்னு சொன்னாரு 'அது" இதுல எக்கோ வேற

அஜித் அர்ஜீன் மற்றும் திரையுலகின் பிரபல புள்ளிகளுக்கு,பதில் சொல்ல மாட்டிங்கன்னு தெரியும் இருந்தாலும் உங்க படத்த காசு கொடுத்து பார்த்ததால கேள்வி கேட்கிற உரிமை எனக்கு இருக்கு.இவ்வளவு நாளும் நீங்க புதுசா வாங்குற பெனியன்ல இருந்து உங்க பிள்ளைகளுக்கு வாங்கி கொடுக்கிற மிட்டாசு வரை இலங்கையில் மர நிழலில் பரிதவிக்கும் அப்பாவி தமிழ் மக்களின் பங்களிப்பும் இருக்குங்கிறத மறந்துட்டீங்க பாருங்க. ' டேய் திரையுலக மாங்கா இந்த நாள் உன்னுடைய டயரியில் குறிச்சு வச்சுக்கோ" அப்பிடின்னு டயலோக் பேச மட்டும்தான் முடியும் உங்கள பாத்து.
ஏன்னா நீங்கெல்லாம் பெரிய நடிகர் திலகமாச்சே.

இலங்கைத்தமிழர்களுக்கு ஆதரவாக இந்தியா அவ்வப்போது குரல் கொடுப்பது வழக்கம். ஆனால் இம்முறை நடைபெற்ற மனித சங்கிலி போராட்டத்தில் திரைக்குப்பின்னால் பல விடயங்கள் மேடையேற்றப்பட்டது நான் சொல்லிதான் நீங்க தெரிஞ்சிக்கனுமா?

இதுவரை குரல் கொடுக்காத கருணாநிதி 10 லட்சம் ரூபா தாருகிறாராம் எதுக்கு யார் கேட்டது?சூப்பர் ஸ்டார் 26 கோடி சம்பளம் வாங்கியிருந்தார் சிவாஜி படத்திற்கு இதுல பெருமையா பேட்டி வேற பிபிசியில். கோடி கோடியா சம்பளம் வாங்குற இவர்கள் இதுவரையில் இலங்கை தமிழர்களுக்காக செய்தது என்ன?இவர்களுக்கு சம்பளம் கொடுத்ததே இலங்கை தமிழர்கள் பாருங்கோ.
ஒன்னு பன்னுங்க நீங்க தார 10லட்சத்தோட இலங்கை தமிழர்களும் கொஞ்சம் பணம் சேர்த்து தருகிறோம் பீகார்ல துயரத்துல வாடுகிறவர்களுக்கு கொடுக்றீங்களா?

என்னதான் இருந்தாலும் இலங்கையில இருக்கிற மாங்கா பசங்களுக்கு தலயும் சூப்பர் ஸ்டாரும் தான் தெய்வம். அடிச்சி புடிச்சி முதல் காட்சியை பார்க்காவிட்டால் ஏன் உங்க வீட்ல அடுப்பெரியாதா?

22 COMMENTS:

அன்புள்ள ஆட்காட்டிக்கு

12:51 PM Hisham Mohamed - هشام 1 Comments

// உங்களுக்கு எந்த நாடு? என்ன இனம்? ஒரு கேள்வி நான் பௌத்த மதத்தை தழுவினால் சிங்களவனாக மாற முடியுமா? கிறிஸ்தவனாக மாறி ஆங்கிலேயனாக மாறலாமா?பிறகு எப்படி இஸ்லாம் மதம் மாறினால் முஸ்லீம் ஆக மாறலாம்? //

என் தாய்மொழி தமிழ்தான் அதில் சந்தேகம் வேண்டாம். தமிழ்தான் எனக்கு சோறு போடுகிறது.....

இந்தியர்களிடம் இருக்கிற ஒரு நல்ல பண்பு இலங்கையர்களிடம் இல்லை அவர்கள் நான் இந்தியன் என்று சொல்வதில் பெருமைப்பட்டுக்கொள்வார்கள். ஆனால் இலங்கையில் யாரும் எனக்கு தெரிந்த அளவில் நான் இலங்கையன் என்று சொல்வதில்லை. (அதற்கும் அதுதான் காரணம்)

நான் எழுதிய 'கறுப்பு ஒக்டோபர்'; பதிவை கந்தசாமியோ, ஜெக்சனோ எழுதியிருந்தால் உங்கள் பார்வையும் பின்னூட்டமும் வித்தியாசமாக இருந்திருக்கும். என்னுடைய எந்தவொரு பதிவும் மதச்சார்ந்ததல்ல குறிப்பாக என்னுடைய 'எதயும் யாரும் வளர்க்க தேவையில்லை' பதிவுக்கு வந்த பின்னூட்டம் தான் கறுப்பு ஒக்டோபர் தலைப்புக்கு உதவியது.

// Anonymous said... dai sony p----- mahanai vaaya muududaaOctober 24, 2008 5:17 PM //ஒற்றுமையை வலியுறுத்தியதற்கு கிடைத்த பரிசு.

என்னுடைய பார்வையில் கறுப்பு ஜுலைக்கு கொடுக்கிற அதே இடம்தான் கறுப்பு ஒக்டோபருக்கும். தவறை கந்தசாமி, முஹம்மட், ஜெக்சன் யார் செய்தாலும் அது தவறுதான். இலங்கையில் நடக்கிற நடந்த அவலத்தை ஒரு ஊடகவியலாளனாக இருந்தும் எழுத வில்லை என்றால் நானெல்லாம் எதுக்கு பதிவெழுதனும்.

அன்புள்ள ஆட்காட்டிக்கு
//அல்லாவின் பேரால கிழக்கில நீங்கள் செய்த அட்டூழியங்கள் தெரியுமா? அதை எல்லாம் பட்டியல் போட முடியுமா? இலங்கையில் வழுவீர்கள். சாதரண கிரிக்கெட்டுக்கே பாகிஷ்தானுக்கு ஆதரவு செய்வீர்கள். ஏன்? நீங்கள் யார்? //
அல்லாஹ்வின் பெயரால் அட்டூழியங்கள் செய்யச் சொல்லி இஸ்லாம் கூறவில்லை யாரோ ஒரு தீவிரவாதி இஸ்லாமிய பெயருடன் செயற்பட்டதற்காக இஸ்லாமிய தீவிரவாதிகள் என்று முத்திரை குத்துவது எந்த விதத்தில் நியாயமாகும்?கிழக்கில் யார் புரிந்தது அட்டூழியம்?காத்தான்குடி பள்ளிவாசலில் வழிபாட்டில் ஈடுபட்ட நூற்றுக்கணக்காணவர்களை கொன்று குவித்தது யார்?
அரந்தலாவ விகாரையில் அட்டூழியம் புரிந்தது யார்?
90களில் கிழக்கில் பெண்களை கற்பழித்தது யார்?
செய்றத செஞ்சிட்டு மதங்களை எதற்கு வம்புக்கு இழுக்கணும்.

உன் மதம் உனக்கு என்மதம் எனக்கு நபிகள் நாயகம்.

ஆட்காட்டி உங்களிடம் ஒரு கேள்வி //மானங்கெட்ட தமிழர்களே......... நானும் நெடு நாளாய் பதிவு மற்றும் பல பக்கங்களை படித்து வருகிறேன். ரொம்ப நாட்களாகவே ஒரு வருடல். குசேலன் பற்றி பக்கம் பக்கமாய் எழுதுகிறார்கள். குருவி பற்றி விமர்சனங்கள் பறக்கின்றன. கமலுக்கு காவடி பிடிக்கிறார்கள்.ஆனால் //மற்றவர்களை கேள்வி கேட்கிற நீங்க ஏன் இத பதியப்படாது...

இது தனிப்பட்ட தாக்குதல் அல்ல என்னுடைய கருத்து. புரிந்து கொள்ளுங்கோ...............

1 COMMENTS:

இலங்கை பற்றிய சகல விடயங்களையும் தெரிந்து கொள்ள ஒரு தளம்.

12:24 AM Hisham Mohamed - هشام 1 Comments


இலங்கையில் இருந்து வெளிவரும் பத்திரிகைகள், வானொலிகள், தொலைக்காட்சி சேவைகள், வங்கிகள் மேலும் பல விடயங்களை அறிந்து கொள்வதற்கான தளம்.

web

1 COMMENTS:

பதிவுலகத்திற்கு என் இனிய தீபாவளி வாழ்த்துக்கள்.

12:18 AM Hisham Mohamed - هشام 0 Comments


0 COMMENTS:

கறுப்பு ஒக்டோபர் - இலங்கையின் வடபுல சோனிகள் விரட்டியடிக்கப்பட்டு 18 ஆண்டுகள்.

12:07 AM Hisham Mohamed - هشام 19 Comments


ஒக்டோபர் 25ம் திகதி நமீதாவுடைய பிறந்த தினம்னு நினைக்காதிங்க அதவிட சந்தோசமான நாள் புலிகளுக்கு.


1990ம் ஆண்டு வேலைக்கு போயிருந்த அப்பாவுக்கு உறவுக்காறங்க சொன்ன தகவல் அவர கதி கலங்க வைத்தது அப்படின்னு ஒரு மகன் தன்னுடைய வேதனையை சொல்கிறார்.


10 வருஷத்துக்கு மேல உட்காந்து சாப்பிடலாம் அப்படின்னு விடுதலை புலி உறுப்பினர்கள் மார்தட்டிக்கொண்டார்கள்.


இலங்கையின் வடபுலத்தில் சந்தோசமாக வாழ்ந்து வந்த அத்தனை முஸ்லிம் இனத்தவர்களும் விரட்டியடிக்கப்பட்ட நாள். இவர்களை கதறக்கதற ஆயுத முனையில் விரட்டிய புலிகள் சொன்ன ஒரு விடயம் அசையும் அசையா சொத்துக்கள் எதையும் கொண்டு போகக்கூடாது.


'அக்காவோட கழுத்துல ஆசையாக அப்பா வாங்கிக்கொடுத்த நகைகளை புலிகள் கண் முன்னே அறுத்தெடுத்த நிகழ்வை நினைச்சா நான் ஆம்புளயா பொறந்தது நினைச்சி வெட்கப்பட்றேன்.' அகதி முகாமில் இருக்கிற ஒரு வாலிபர்.


'என்னோட மகன் படிப்பு செலவுக்கு மத்தவங்ககிட்ட பிச்ச கேட்குற மாதிரி பணம் கேட்பதை கண்ணால பாத்த பிறகு நான் உயிர் வாழ்ந்து என்ன பயன்' உடல் ஊனமுற்ற ஒரு தந்தை சொல்கிறர்.


90களுக்கு முன்பு நல்ல வசதி வாய்ப்புக்களோடு நாலு பேருக்கு தர்மம் செய்யக்கூடிய மாடி வீடுகளில் இருந்தவர்கள் 2008இல் இன்று மழை பெய்தால் ஒழுகுகிற குடிசைகளில் மூன்று வேளை சாப்பாட்டிற்கு வழியில்லாமல் திண்டாடுவதை நினைத்தால் சந்தோசமாக இருக்கும் புலிகளுக்கு. புலிகளால் அவதிப்படுகிறவர்கள் முஸ்லிம்கள் சிங்களவர்கள் மட்டுமல்ல இந்துக்களும்தான் இன்று வடக்கில் அகதிகளாக ஆயிரக்கணக்கில் மர நிழல்களில் வாழுகிறவர்களும் தென் இந்தியாவின் ராமேஸ்வரத்தில் அகதிகளாக தஞ்சம் புகுந்தவர்களும் இதற்கு நல்ல சான்று.


அடுத்த வீட்டுக்காரனோட வேலி பிரச்சினையில் ஆரம்பிக்கிற யுத்தம் அடுத்த நாட்டு எல்லை வரை யோயிடுச்சி. இன்னும் எத்தனை காலத்திற்கு இப்படி ஆடு மாடுகளாக வாழப்போறோம்?


ஒரு விசயத்தை கவனிச்சிங்களா என் குடும்பம், என் வீடு, என் சொத்து என்று வாழ்கிற நிறைய பேர் வானொலிகளிலும் தொலைக்ககாட்சியிலும் இந்த செய்திகளை கேட்டு விட்டு "எந்த நாளும் இதே பிரச்சினை" என்று சலித்துக்கொண்டு AC கார், கை நிறைய சம்பளம், அழகான மனைவி, பிள்ளைகள் குடும்பம் என்று சந்தோசமாக வாழவில்லையா.(உங்கள தப்பா சொல்லல......)


ஒரு சில இனவாதிகளால் தமிழ் பேசும் அப்பாவி மக்கள் அல்லல் பட வேண்டியிருக்கு. இவங்க பிள்ளைகள் வசதியா வெளிநாடுகளில் படிக்கிறதுக்காக கோமதி அக்காவுடைய மகன் மழையில நனைஞ்சுகிட்டு வெடிகுண்டு சுமக்கணுமா? ஏன் அவன் படிச்சா படிப்பு ஏறாதா?

19 COMMENTS:

உலக அரங்கில் அண்மையில் அரங்கேற்றப்பட்ட அருமையான சில நாடகங்கள் .

7:23 PM Hisham Mohamed - هشام 0 Comments

தசாவதாரம் சிவாஜியை விட இந்த நாட்களில் நாடகங்கள் சூப்பர் ஹிட். ஆனால் இந்த நாடகங்களில் வில்லன் யார்னு தெரியல.

'ஒரே நாளில்' இலங்கையில் எடுக்கப்பட்ட சூப்பர் ஹிட் நாடகம்

இலங்கையின் மாகண சபை எதிர்கட்சி தலைவர் முன்னாள் இராணுவ அதிகாரி ஜானக்க பெரேரா மற்றும் 20க்கு மேற்பட்டவர்கள் கொலை செய்யப்பட்ட அதே நாளில் கருணா பாராளுமன்ற உறுப்பினராக பதவி ஏற்பு. தமிழ் சினிமாவின் பாதிப்பு இதில் அதிகம் தெரிந்தது ஏன்ன கெஞ்சம் ஓவரா அதிரடி. இந்த கதையில் யார் வில்லன்னு தெரியல

சூப்பர் ஸ்டாரின் 'ஒக்கனக்கல்'

ரஜினியின் ஒக்கனக்கல் நாடகம் புதிய சாதனை படைத்தது. ஏற்கனவே இவர் நடித்து வெளியான 'வருவேன் ஆனா வரமாட்டேன்' வசூலில் சாதனை படைத்தது குறிப்பிடத்தக்கது. ரஜினி படம் என்றாலே முப்பது நாள் சாப்பிடாம நாலு வாரம் குளிக்காம பெருசா கட்அவுட் வைச்சு அபிNஷகம் செய்கிறபோது நாடகம் என்றால் சொல்லவா வேணும். ஒக்கனக்கல் நாடகத்தில் முக்கியமா ரஜினி இரண்டு வேடங்களில் நடித்திருப்பார். ஆனால் வில்லன் யார்னு தெரியல

வடிவேலுவின் விட்டில் கல் வீசி தாக்குதல் நடத்திய நாடகம். இந்த நாடகத்தை முழுமையாக பார்க்காததால் படத்தின் பெயரும் விபரமும் தெரியல. க்ளைமெக்சில் விஜயகாந்த் கோர்ட்டுக்கு வாராரு. வில்லன் யார்னு தெரியல

இது இந்த வருடம் வெளியான சில நல்ல நாடகங்கள்.

அவ்வப்போது டுப்பாகூர் நாடகங்ளும் வரும்...................

0 COMMENTS:

எதயும் யாரும் வளர்க்கத் தேவையில்லை. அதுவா வளரும்

12:58 PM Hisham Mohamed - هشام 8 Comments


தமிழை வளர்கிறேன்னும் பதிவர்களுக்கு பயிற்சி கொடுக்கிறேன்னும் நிறைய பேர் கிளம்பிட்டாங்கா.


அதிகமாக தமிழர்கள் எங்கெல்லாம் இருக்கிறார்களோ அங்கெல்லாம் அவர்கள் குறைவாகவே இருக்கிறார்கள். இதற்கு லக்கிலுக், அதீசா, ஆசிப் மீரான், பரிசல்காரன், சாரு நிவேதா (இன்னும் நிறைய பேர்) இவர்கள்தான் காரணம் இருக்கிற பத்து சதவீத பதிவர்களையும் பத்தாயிரம் சதவீதமாக பிரிக்கிற இவர்களின் சுயநலம்தான் இலங்கை தமிழர்கள் தங்கள் முதுகில் சுமக்கிற செல்களுக்கும் காரணம்.


பதிவுலகத்திற்கு நான் புதியவன் பிரபலமடைய வேண்டும் என்ற நோக்கத்தில் எழுதும் பதிவல்ல இது. கொஞ்சம் யோசித்தால் உண்மை புரியும்.
இலங்கை தமிழர் பிரச்சினைக்கு குரல் கொடுத்ததன் மூலம் தமிழ் நாடு தன்னுடைய ஜட்டிக்கு ஆபத்து வராமல் பாதுகாத்து கொண்டது பாவம் ஏமாந்தவர்கள் இலங்கையில் இருக்கிற கொஞ்சம் மாங்காக்கள் மன்னிக்கனும் நல்லவர்கள். அவர்கள்தான் தல, இளைய தளபதி , சூப்பர் ஸ்டார் ஆகியோர் பஞ்சம் பிழைக்க பணம் அனுப்புகிறவர்கள். திரையுலகின் இயக்குனர்கள் தயாரிப்பாளர்கள் மேற்கொண்ட ஆர்ப்பாட்டத்தின் மூலம் அவர்களுடைய திரைப்படங்களை இலங்கையில் தொடர்ந்து திரையிட்டு பொக்கட்டை நிறைக்க அவர்கள் விளம்பரம் தேடிக்கொண்டார்கள். நடிகர்களும் தங்கள் பங்கிற்கு நவம்பர் முதலாம் திகதி ஆரம்பிக்கிறார்கள் அவர்களுடைய விளம்பர பணியை. விஜயகாந்த் இவர் அடுத்தவர் அவர் தனித்துதான் போராடுவார் போல(வடிவேலு என்ன செய்வாரோ தெரியாது). மக்களவை உறுப்பினர் கனிமொழியின் நாடகம் கொஞ்சம் வித்தியாசமாக இருந்தது எழுத்தாளரின் மகளுக்கு சொல்லிக்கொடுக்க வேண்டுமா?


ஆர்ப்பாட்டம் நடத்துங்கோ தப்பில்ல ஆனா அதுக்கு முதல்ல இலங்கையில் 8 சதவீதம் இருக்கிற தமிழர்கள் 80 சதவீதமாக பிரிந்திருக்கிறார்கள் அத முதல்ல சரிபடுத்தனும். ஆர்பாட்டம் நடத்துற நீங்க எத்தனை பிரிவுகளா பிரிந்து செயற்படுறீங்க. ஏன் தமிழ் நாட்டின் (மாங்கா) மனிதர்களுக்கு ஒரே கொடி இந்திய கொடியின் கீழ் நின்று ஆர்பாட்டம் நடத்த முடியாது?(கேள்விக்குறியை போட்டா நாங்க பதில் சொல்லுவோமா அதெல்லாம் நடக்காது... இப்படி எவ்வளவு காலத்துக்குத்தான் இருப்பது)


இலங்கை தமிழர் பிரச்சினை முதல் ஆப்கான் ஆக்கிரமிப்பு வரை அப்பாவிகள் என்று நல்லவர்கள் அழைக்கும் (மாங்கா) மனிதர்கள் இன்னல்களை அனுபவிக்க அவர்கள்தான் காரணம்.


என்னை யார் என்ன நினைத்தாலும் பரவல....என்னோட மனசுல பட்டத பதிவுல சொன்னேன் யாராவது நல்லவர்களை புண்படுத்தியிருந்தா மன்னிக்கனும்..... இப்ப நான் சொன்னது உண்மையான நல்லவர்களை... மாங்கா இல்ல.....

8 COMMENTS:

அமெரிக்கத் தீவிரவாதம்... இதுவரை அமெரிக்கா புரிந்த அநியாயங்கள் புகைப்பட ஆதாரத்துடன்

11:49 AM Hisham Mohamed - هشام 2 Comments


உலகில் தீவிரவாதிகளை பட்டியலிடும் அமெரிக்கா தன்னையும் பட்டியலில் சேர்த்துக்கொள்ளாதது ஏன்?

இந்த பதிவை படித்த பிறகு கீழே நான் குறிப்பிட்டுள்ள தளத்தை சொடுக்கி உண்மையை புரிந்துகொள்ளுங்கள்.

எதற்கெடுத்தாலும் தீவிரவாதத்தை ஒழிக்கவே அமெரிக்கா முயற்சிக்கின்றது என்றதொரு கூப்பாட்டை அது போடுவதுண்டு. அதில் எள்ளளவேனும் உண்மை இருக்க வாய்ப்பில்லை.


அமெரிக்கத் தீவிரவாதத்திற்கு கோடிக்கணக்கான மக்கள் பலியிடப்பட்டுள்ளார்கள். இதில் குழந்தைகள் தாய்மார் என பேதமின்றி நேட்டோ படைகளால் கொல்லப்பட்டுவருவது அமெரிக்க தீவிரவாதிக்கு கால் கழுவும் சவுதியின் (மாங்கா)மன்னர் அறிந்திருக்க வாய்ப்பில்லை. இந்த பதிவை நீங்கள் வாசிக்கும் இந்த நொடி கூட மத்திய கிழக்கின் அப்பாவி உயிர்கள் எத்தனையோ பலியெடுக்கப்படுகின்றன.

அதன் விபரம் நான் அறிந்த மட்டில்.
பிரிட்டனிடமிருந்து விடுதலையடைந்த 1945 ஆம் ஆண்டு முதல் இன்று வரை கிட்டத்தட்ட 200 இற்கும் மேற்பட்ட தடவை வெளிநாட்டு விவகாரங்களில் இராணுவ ரீதியாகத் தாக்குதல்களை நடத்தியுள்ளது. 1945 முதல் தன்னுடைய சுயநலத்திற்காக 20 நாட்டு விவகாரங்களில் மூக்கை நுழைத்துள்ளது. அவையாவன :
கிரீஸ் (1947-49), இத்தாலி (1948), கொரியா (1950-53), ஈரான்(1953), குவாட்டிமாலா (1954), காங்கோ (1960), கியூபா(1961), வியட்நாம் (1961-75), லாவோஸ் (1961-75), டொமினியன் ரிபப்ளிக் (1965), கம்போடியா (1969-71), சிலி (1973), கிரனெடா (1983), லெபனான் (இரண்டு முறை: 1958 மற்றும் 1983), லிபியா (1986), பனாமா (1989), ஈரான் (3 தடவை: 1991, 1993, 1998-99), சோமாலியா (1991-92), ஆப்கானிஸ்தான் மற்றும் சூடான் (1998), மற்றும் செர்பியா (1999).
கடந்த நூற்றாண்டில் உலகில் உள்ள பல்வேறு நாடுகளின் பிரச்னைகளில் 100க்கு மேல் தலையிட்டு, தன்னுடைய அதிகாரத் திணிப்பை அங்கு நடத்தியுள்ளது.
1890 ல் 300 லாகோடாஸ் மக்களை கொன்று குவித்தது முதல், தன்னுடைய கரத்தை எப்பொழுதும் அமெரிக்கா இரத்தம் தோய்ந்ததாகவே வைத்திருக்கின்றது.
அர்ஜென்டினா 1890 - வியாபார நோக்கம்
சிலி 1891 - தேசியவாதப் படையுடன் மோதல்
ஹைட்டி- 1891 நவஸா என்ற தீவு சம்பந்தப்பட்ட விவகாரத்தில் தலையீடு. அங்கு நடந்த கலவரத்தை ஒடுக்க, ஹவாய் - 1893 தன்னுடன் இணைத்துக் கொண்டது. அதற்கு அமெரிக்க நேவியைப் பயன்படுத்தியது.

நிகாராகுவா-1894
சீனா 1894-95
கொரியா - 1894-96
பனாமா - 1895
சீனா - 1894-1900
பிலிப்பைன்ஸ் - 1893-1902 - 600,000 பிலிப்பைன் மக்கள் கொல்லப்பட்டார்கள்.
கியூபா - 1898-1902
போர்ட்டோரிகோ - 1898
நிகாராகுவா - 1898
சகோவா - 1899
பனாமா - 1901-14
ஹோன்டுராஸ் - 1903
டொமினியன் ரிபப்ளிக் - 1903-04
கொரியா 1904-05
கியூபா - 1906-09
நிகராகுவா - 1907
ஹோன்டுராஸ் - 1911
சீனா - 1911-41
கியூபா - 1912
ஹோன்டுராஸ் -1912
நிகராகுவா - 1912-33
மெக்ஸிகோ - 1913
டொமினியன் ரிபப்ளிக் - 1914
மெக்ஸிகோ 1914-18
ஹைட்டி 1914-34
டொமினியன் ரிபப்ளிக் - 1916-24
கியூபா - 1917-33
முதலாம் ஊலகப் போர் - 1917-18
ரஷ்யா 1918-22
ஹொண்டுராஸ் 1919
குவாட்டிமாலா 1920
துருக்கி 1922
சீனா 1922-27
ஹோண்டுராஸ் 1924-25
பனாமா – 1925
சீனா 1927-34
எல் சால்வடார் 1932
இரண்டாம் உலகப் போர் 1941-45
யூகோஸ்லேவியா 1946
உருகுவே 1947
கிரீஸ் 1947-49
ஜெர்மனி 1948, 444 நாட்கள் ஜெர்மனி மீது விமானம் பறக்கத் தடை விதிக்கப்பட்டிருந்து.
பிலிப்பைன்ஸ் 1948-54
போர்ட்டோ ரிகோ 1950
கொரியன் போர் 1951-53
ஈரான் 1953, ஜனநாயக முறைப்படி தேர்ந்தெடுக்கப்பட்ட மொஸ்ஸெடெக் என்பவரை பதவி நீக்கம் செய்து விட்டு, தன்னுடைய அடிவருடி மன்னரை ஆட்சி பீடத்தில் ஏற்றி வைப்பதற்குப் பின்னணியாக அமெரிக்க உளவுத் துறை சிஐஏ செயல்பட்டது. இவர்கள் தான் ஜனநாயகக் காவலர்கள் வேஷம் போடுபவர்கள்.
வியட்நாம் 1954
கொடமாலா 1954
எகிப்து 1956
லெபனான் 1958
பனாமா 1958
வியட்நாம் 1950 மற்றும் 1975 வியட்நாம் போர்
கியூபா 1961 கேஸ்ட்ரோ அரசைக் கவிழ்ப்பதில் சிஐஏ தோல்வி கண்டது
கியூபா - 1962
லாவோஸ் 1962
பனாமா - 1964
இந்தோனேஷியா - 1965 (ஜனநாயக முறைப்படி தேர்ந்தெடுக்கப்பட்ட அரசைக் கவிழ்க்க ராணுவத்துக்கு ஒத்துழைப்பு வழங்கியது அமெரிக்காவின் உளவு அமைப்பான சிஐஏ.
டோமினியன் ரிபப்ளிக் - 1965-66
குவாட்டிமாலா 0 1966-67
கும்போடியா - 1969-75 வியட்நாம் போரை விரிவுபடுத்த, கம்போடியாவிற்குள் அமெரிக்கப் படைகளை அனுப்பியது.
ஓமன் - 1970 ஈரானுக்குள் நுழைவதற்கு ஓமன் நாட்டைப் பயன்படுத்தியது
லூவோஸ் - 1971-75
சிலி - 1973 ஜனநாயக முறைப்படி தேர்ந்தெடுக்கப்பட்ட ஜனாதிபதி அல்லின்டே அவர்களைக் கொலை செய்து விட்டு, பினோசெட் தலைமையில் இராணுவ ஆட்சி அமைவதற்கு, அமெரிக்காவின் சிஐஏ ஒத்துழைப்பு வழங்கியது.
கும்போடியா 1975
ஆங்கோலா - 1976-92 தென்ஆப்ரிக்க கலகக்காரர்களுக்கு உதவி செய்து அங்கோலாவின் மார்க்ஸிஸ்ட் கம்னியூஸ்டுகளுக்கு எதிரான யுத்தத்திற்கு அமெரிக்காவின் உளவு அமைப்பான சிஐஏ உதவி செய்தது.
ஈரான் 1980
லிபியா 1981 அமெரிக்கப் போர் விமானங்கள் லிபியாவின் இரண்டு போர் விமானங்களைச் சுட்டு வீழ்த்தின
எல்சால்வடார் 1981-92 எல்சால்வடார் போரில் குஆடுN க்கு எதிராக ஆலொசனைகளை சிஐஏ வழங்கியது.
நீகராகுவா 1981-90
லேபனான் 1982-84 லெபனானின் உள்நாட்டுப் போரின் பொழுது, அமெரிக்க ராணுவம் தலைநகர் பெய்ரூத்தைக் கைப்பற்றியது. ஆமெரிக்க இராணுவத்தின் தங்குமிடத்தில் போராளிகள் தாக்கி 241 அமெரிக்க ராணுவ வீரர்கள் மாண்டனர்.

ஹோண்டுராஸ் 1983-84
கிரனெடா 1983-84 கிரனடாவின் மாரிஸ் பிஸப் அரசைத் தூக்கி எறிய அமெரிக்க ராணுவம் அனுப்பப்பட்டது
ஈரான் - 1984 பெர்ஸியன் வளைகுடாவில் சென்று கொண்டிருந்த இரண்டு ஈரானின் போர் விமானங்களை அமெரிக்க இராணுவம் சுட்டு வீழ்த்தியது.
லிபியா - 1986 லிபியாவின் தலைநகர் திரிப்போலியை அமெரிக்க ராணுவ விமானங்கள் தாக்கி அழித்தன.
போலிவியா - 1986
ஈரான் 1987-88 ஈரான் - ஈராக் போரில் ஈராக்கிற்கு சார்பாக அமெரிக்கா போரில் குதித்தது.
லிபியா - 1989 மேலும் இரண்டு லிபியப் போர் விமானங்களை அமெரிக்கா சுட்டு வீழ்த்தியது
சர்ஜின் தீவுகள் - 1989
பிலிப்பைன்ஸ் 1989
புனாமா 1989-90 பனாமாவின் நோரிகா அரசைத் தூக்கி எறிவதற்காக 27 ஆயிரம் அமெரிக்கத் துரப்புகளை அமெரிக்க இராணுவம் அனுப்பியது. இதில் 2000 பனமா நாட்டு மக்கள் கொல்லப்பட்டனர்.
ஐலபீரியா 1990
சேளதி அரேபியா 1990-91 ஈராக்கிற்கு எதிராக நடந்த போரில் அமெரிக்கப் படைத்தளமாக சவுதி அரேபியா பயன்படுத்தப்பட்டது.
குவைத் - 1991 ஈராக் அதிபர் சதாம் உசேனைக் கவிழ்ப்பதற்காக குவைத்திற்கு அமெரிக்கப்படைகள் அனுப்பப்பட்டன.
சோமாலியா – 1992-94 சோமாலியாவின் உள்நாட்டுப் போரின் பொழுது, சோமாலியாவை அமெரிக்கப்படைகள் ஆக்கிரமித்தன.
போஸ்னியா 1993-95 யூகோஸ்லேவியாவின் மீது அமெரிக்கப் போர் விமானங்கள் தாக்குதல் தொடுத்தன.
ஹெய்ட்டி 1994-96
ஆல்பேனியா – 1997
சூடான் 1998 சூடானின் மருந்து உற்பத்தித் தொழிற்சாலையை அமெரிக்க ஏவகணைகள் தாக்கி அழித்தன.
ஆப்கானிஸ்தான் - 1998 ஆப்கானில் உள்ள போராளிகளின் பயிற்சித் தளத்தை அமெரிக்க ஏவகணைகள் தாக்கி அழித்தன.
ஈராக் 1998-99 பாக்தாத் மற்றும் பெரிய நகரங்களின் மீது அமெரிக்க விமானத் தாக்குதல்நடைபெற்றது
யூகோஸ்லேவியா 1999 மொல்ஸ்விக்கிற்கு எதிராக நாட்டோ படைகளுடன் இணைந்து அமெரிக்க விமானங்கள் தாக்குதல் நடத்தின.
இவற்றைத் தவிர்த்து இன்னும் 100க்கும் அதிகமான அமெரிக்காவின் அந்நியத் தலையீடுகளை நான் இங்கு குறிப்பிடவில்லை.

இரண்டாம் உலகப் போரிலிருந்து, இது வரை 23 நாடுகளின் மீது ஏவகணை மற்றும் குண்டுத் தாக்குதல்களை நடத்தியுள்ளது. இதன் மூலம் பல்லாயிரக்கணக்கான மக்களைப் படுகொலை செய்துள்ளது.
சீனா 1945-46, கொரியா 1950-53, சீனா 1950-53, குவாடிமாலா 1954, இந்தோனேஷியா 1958, கியூபா 1959-60, குவாடிமாலா 1960, காங்கோ 1964, பெரு 1965, லாவோஸ் 1964-73, வியட்நாம் 1961-73, கம்போடியா 1969-70, குவாடிமாலா 1967-69, கிரேனடா 1983, லெபனான் 1984, லிபியா 1986, எல்சால்வடார் 1980, நிகராகுவா 1980, பனாமா 1989, ஈராக் 1991-இன்று வரை, சூடான் 1998, ஆப்கானிஸ்தான் 1998, யூகோஸ்லேவியா 1999.
இரண்டாம் உலகப் போருக்குப் பின் தனக்கு சாதமாக உள்ள தலைவர்களை நியமிப்பதற்காக வேண்டி, 20 நாட்டு தலைவர்களை அதிரடி நடவடிக்கை மற்றும் ஆட்சிக் கவிழ்ப்பு மூலம் அகற்றி, தனக்கு சாதகமான தலைவர்களை நியமிக்க அமெரிக்காவின் உளவு அமைப்பான சிஐஏ பங்காற்றியது. இதில் 6 க்கும் அதிகமான நாட்டுத் தலைவர்களை இது கொலையும் செய்திருக்கின்றது.

தன்னுடைய முதாளித்துவ கொள்கையைத் திணிப்பதற்காகவும், தன்னுடைய மேலாதிக்கத்தை தக்கவைத்துக் கொள்ளவுமே அமெரிக்கா இத்தகைய அந்நியத் தலையீடுகளை மேற்கொள்கின்றது. மற்ற நாடுகளாக இருந்தால், கம்யூனிஸத் தீவிரவாதிகள் என்று கூறி விடுவதும், முஸ்லிம் நாடுகளாக இருந்தால் அடிப்படைவாதிகள் தீவிரவாதிகள் என்றதொரு கதையைக் கட்டி விடுவதும், இந்தக் குற்றச்சாட்டுகளைப் பின்னணியாக வைத்து, தங்களது கபட நாடகத்தை அரங்கேற்றுவதும் தான், இந்த அமெரிக்காவின் வழக்கமாக இருந்து வருகின்றது. முஸ்லிம் நாடுகளில் அமெரிக்கா செய்து வரும் அடாவடித்தனங்கள் அந்த நாடுகளில் ஜனநாயகத்தை மலர வைப்பதற்கான அதன் முயற்சி என்பதை விட, அந்த நாடுகளின் கனிம வளங்களின் மீது அது கொண்டிருக்கும் காதல் என்றே குறிப்பிடலாம்.


இந்த பதிவை சொடுக்கி அமெரிக்காவின் அராஜகத்தை புரிந்து கொள்ளுங்கள்.
மேலே நாம் பார்த்த அமெரிக்காவின் அந்நியத் தலையீடுகளில் இருந்து யார் உலகத் தீவிரவாதி என்பது, யாருக்கு எதிராக இந்த முழு மனித சமுதாயம் நடவடிக்கை எடுக்க வேண்டும் என்பதையும் உணர்ந்து கொள்ள வேண்டும்.

நன்றி - விக்கிபீடியா, பிபிசி, சிஎன்என்

2 COMMENTS:

மது அருந்திய குதிரை கட்டுப்பாட்டை இழந்ததில் முதியவர் பலி.

5:33 PM Hisham Mohamed - هشام 0 Comments


ரோமேனியாவில் குறித்த பிரதேசம் ஒன்றில் குதிரை சந்தை ஒன்று நடைபெற்றது. அந்த சந்தையில் சிங்கம் போல வலிமையுடன் காணப்பட்ட ஒரு குதிரையை வண்டியுடன் வாங்கினார் 56 வயதான Ion Dragan.
இவர் குதிரை வண்டியில் சந்தேசமாக வீடு நோக்கி பயணம் செய்து கொண்டிருக்கும்போது கட்டுப்பாட்டை மீறிய குதிரை பாதையோரத்தில் பலகையொன்றில் அமர்ந்திருந்த 86 வயது மதிக்கத்தக்க ஒருவர் மீது மோதியதில் சம்பவ இடத்திலேயே அவர் உயிரிழந்தார். இந்த சம்பவம் ரோமேனிய பொலிசாருக்கு தலைவலியை ஏற்படுத்தியது. யாரை கைது செய்வது? எந்த அடிப்படையில் வழக்குத்தொடர்வது?

இறுதியில் பொலிசார் ஒரு முடிவுக்கு வந்தார்கள். இந்த குதிரை வேகமாக வந்து கட்டுப்பாட்டை இழந்திருக்க வாய்ப்பில்லை ஆகவே குதிரை மது அருந்தி இருக்க வேண்டும். வியந்து போனராம் குதிரையின் புதிய உரிமையாளர். பின்னர் நடத்தப்பட்ட இரத்த மாதிரி பரிசோதனையின் போது குதிரை மது அருந்தியது தெரியவந்துள்ளது.


குதிரைகளும் தண்ணியடிக்க ஆரம்பிச்சுடிச்சுகளா சும்மாவே நாலு கால் அப்ப இனி எட்டு கால் தான் அப்படின்னு மூக்குல கையை வைக்க முதல்ல இன்னுமொரு விடயம் குதிரைகள் பசுக்கள் போன்ற மிருகங்கள் சந்தைகளில் விற்பனை செய்யப்படுகின்ற போது அவற்றுக்கு மது ஊட்டப்படுவதுண்டு காரணம் அப்போதுதான் அவை சோர்வில்லாமல் வலிமையோடு காணப்படுமாம்.

0 COMMENTS:

இலங்கை கிரிக்கெட்டின் எதிர்காலம் ???

2:00 PM Hisham Mohamed - هشام 0 Comments

அரசியல் சாக்கடையில் எவையெல்லாம் விழுமோ அவை நாசமாகிப்போகும் என்பது பச்சக் குழந்தைக்கும் தெரிந்த விஷயம். இப்பெல்லாம் நம்ம தாய்மார் சின்ன பிள்ளைகளுக்கு சோறு ஊட்டுவது எம் பி மாமா வரார்னுதான். அண்மையில் இலங்கை கிரிக்கட் விழுந்ததும் இது போல ஒரு அசிங்கமான சாக்கடையில்தான். இலங்கை கிரிக்கட்டில் அது இன்னும் தீவிர தாக்கத்தை ஏற்படுத்தவில்லை.

அர்ஜூன ரனதுங்க இலங்கை கிரிக்கட் கட்டுப்பாட்டு சபையின் தலைவராக இலங்கை ஜனாதிபதியால் அண்மையில் நியமிக்கப்பட்டார். இதன் பிறகு அதிரடியாக பல மாற்றங்கள் இலங்கை கிரிக்கட்டில் ஏற்பட ஆரம்பித்திருக்கின்றன. இது சாதகமா பாதகமா என்பது ஒரு பக்கமிருக்க இதன் பாதிப்பு இலங்கையின் கிரிக்கட்டை சீரழித்துவிடும் என்பது மட்டும் நிச்சயமான உண்மை.


ஜனாதிபதி இந்த நியமனத்தை வாரி வழங்கக் காரணம் அரச கட்சியின் வாக்கு வங்கியை மேலும் பலப்படுத்தும் நோக்கம் ஒன்று தான். ரணதுங்கவின் குடும்ப உறுப்பினர்கள் அரசியலில் அதிக ஈடுபாடு கொண்டவர்கள். இவர்கள் பிரதிநிதித்துவப்படுத்தும் தொகுதியில் அதிகமான வாக்குகளை பெறுவது வழக்கம். இதனால் ரணதுங்கவின் குடும்ப உறுப்பினர்களுக்கு இலங்கை அரசு நல்ல பதவிகளை வழங்கியது. ஏற்கனவே இந்த இலங்கை அரசாங்கத்தை பலரும் சகோதரர்களின் கம்பனி என்று நக்கலடிப்பதை இந்த இடத்தில் சுட்டிக்காட்ட வேண்டும். இதே பணியை இலங்கை கிரிக்கட்டின் புதிய தலைவாராக நியமிக்கப்பட்ட முன்னாள் அணித்தலைவர் ரணதுங்க பின்பற்ற தொடங்கிவிட்டார். முதல் நடவடிக்கையாக தன்னுடைய சகோதரரை இலங்கை அணியின் முகாமையாளராக நியமித்தார். அடுத்த அடி ஜசிசி தடை செய்த ஜ பி எல் அமைப்பில் விளையாடும் தனது நெருங்கிய உறவினரான அதபத்து உள்ளிட்ட சில வீரர்களுக்கு தேசிய மட்டத்திலான போட்டிகளில் விளையாட அனுமதி வழங்கினார். இன்னுமொரு அடி வெகுவிரைவில் விழப்போகிறது. இலங்கை கிரிக்கட்டில் நீண்டகாலம் சிரேஷ;ட அதிகரியாக கடைமையாற்றி வரும் முன்னாள் வீரர் ஒருவருக்கு கர்த்திருக்கிறது(நடக்கத்தானே போகுது நடந்த பிறகு உங்களுக்கு புரியும்). இன்னுமொரு விடயத்தை இந்த இடத்தில் நான் சுட்டிக்காட்ட வேண்டும்

விளையாட்டுத்துறை அமைச்சருக்கும் கிரிக்கட் தலைவருக்கும் இடையிலான உறவில் விரிசல் ஏற்பட்டு பூகம்பமாக மாறும் நாள் வெகு தொலைவில் இல்லை.

எது எவ்வாறாக இருப்பினும் 'தாருன்யட ஹெடக்' என்ற அமைப்பின் தலைவர், ஜனாதிபதியின் மகன் தலைமையில் ஹம்பாந்தொட்டையில் கட்டப்படும் சர்வதேச தரத்திலான மைதானத்தின் பணிகள் மும்முரமாக நடக்குதாம்.

(புதிய சர்வதேச தரத்திலான மைதானத்திற்கு ரணதுங்கவின் பெயரை வைத்து இலங்கை அணியை அவரது குடும்ப உறுப்பினர்கள் 15 பேர் கொண்ட அணியாக உருவாக்கினாலும் ஆச்சரியப்படுவதற்கில்லை...)

0 COMMENTS:

ஆப்ரகாம் லிங்கன் உயிருடன் இருந்திருந்தால் இந்திய அணியின் களத்தடுப்பு பயிற்றுவிப்பாளராக்கியிருக்கலாம்.

11:32 AM Hisham Mohamed - هشام 1 Comments


ஆப்ரகபம் லிங்கனும் கிரிக்கட் களத்தடுப்பு சிந்தனையும்.

வெற்றி வானொலியின் காலை நேர நிகழ்ச்சிக்கு நல்ல சிந்தனைகளை தேடிக் கொண்டிருந்த போது நான் பார்த்த ஆப்ரகாம் லிங்கனின் சிந்தனை இந்திய அவுஸ்திரேலிய அணிகளுக்கிடையிலான முதலாவது டெஸ்ட் போட்டியில் இந்திய அணியின் நிலையை ஞாபகப்படுத்தியது.

இந்திய அவுஸ்திரேலிய அணிகளுக்கிடையிலான முதலாவது டெஸ்ட் போட்டியின் முதல் இனிங்சில் இந்திய அணி களத்தடுப்பில் விட்ட தவறுகள் அணியில் மாற்றத்தை ஏற்படுத்த வேண்டும் என்கிற தேவையை நிச்சயம் ஏற்படுத்தியிருக்கும்.

சரி ஆப்ரகாம் லிங்கன் எப்படி சம்பந்தப்படறார் அப்படின்னு கேட்கிறீங்களா. அவரோட சிந்தனையை தருகிறேன் அப்ப உங்களுக்கு புரியும் "You can hide some of the fielders all of the time, and all of the fielders some of the time, but you can not hide all of the fielders all of the time."


அவுஸ்திரேலிய அணி வீரர்கள் விக்கட்டுகளுக்கிடையில் ஒட்டங்களை பெற எடுத்த வேகம் களத்தடுப்பில் ஈடுபட்ட இந்திய வீரர்களின் மோசமான வெளிப்பாடுகள் 430 என்ற ஒட்ட எண்ணிக்கையை எட்ட உதவியது அவுஸ்திரேலிய அணிக்கு.


பொன்டிங் போட்டி ஆரம்பமாக கொஞ்ச நாளைக்கு முன் சில விடயங்களை ஊடகங்களோடு பகிர்ந்து கொண்டார். அதில் முக்கியமாக ஆஸி வீரர்கள் விளையாடுவது 'new age' cricket என்றும் ஆஸியின் இலக்கு இந்திய அணியின் மூத்த வீரர்கள் என்றும் குறிப்பிட்டார்.(இதன் அர்த்தம் ஒரு வேளை இப்படி இருக்கலாம் ஆஸி ஒட்டங்களை குவிக்க எடுக்கும் வேகம், இந்தியாவின் களத்தடுப்பு, அல்லது இரண்டும்.) உண்மையில் பொன்டிங் சொன்னது போல ஆஸியின் ஆட்டம் 'new age' cricket தான். இந்திய அணியின் களத்தடுப்பு 90க்கு முதல் கிரிக்கட்டை ஞாபகப்படுத்துகிறது.

லிங்கனின் சிந்தனை அது இனி என் சிந்தனை முதல் நாள் ஆட்டத்தின் போது 90 ஓவர்கள் வீசப்பட்டன. ஏன் 100 ஓவர்கள் வீசக் கூடாது போட்டி ஆரம்பமானதோ 9.30க்கு நிறைவடைந்தது 4.30க்கு பெங்களுரில் 5.30 வரை போதிய வெளிச்சம் காணப்பட்டது. ஒரு நாள் போட்டிகளில் 100 ஓவர்கள் மொத்தமாக வீசப்படுகின்ற போது டெஸ்ட் இல் ஏன் வீசக்கூடாது. தேனீர் இடைவேளைக்காக எடுத்துக் கொள்ளும் 20 நிமிட நேரத்தில் 4 ஓவர்கள் பந்து வீசலாம்.

எதுலயும் லாபத்த தானே பாக்கனும்...............

1 COMMENTS:

நாலு பேர் தப்பா பேசுவாங்க.... யார் அந்த நாலு பேர்?

12:26 PM Hisham Mohamed - هشام 8 Comments

அந்த நாலு பேர் யாருன்னு தெரியாது ஆனா தப்பா பேசுவாங்க. இந்த நாலு பேருக்கு பயப்பட்ற நம்ம நண்பர்கள் ஏன் அந்த ஒருத்தனுக்கு(இறைவன்) பயப்பட்றதில்ல.

இது என்னோட அனுபவ பதிவு மனசுல உள்ளத கொட்டி தீர்க்கப்போறேன் நேரம் இருந்தா படிச்சுப்பாத்துட்டு பின்னூட்டம் எழுதுங்க.

பதிவு எழுத ஆரம்பிக்கும் போது பக்கத்துல இருந்த லோஷன் அண்ணாவுக்கும் அருந்ததி அக்காவுக்கும் (எல்லாரும் ஒன்னாதான் வெற்றிக்காக உழைக்கிறம்)சின்னதா ஒரு விவாதம் நடந்தது. ஏற்கனவே பதிவின் ஆரம்பத்தில் 'அந்த ஒருத்தனுக்கு பயப்பட்றதில்ல' என்று சொல்லியிருக்கேன் கடவுள் நல்லவங்கள தேடி வருவாருன்னும் கஷ;டத்துல தான் கடவுள தேடி போவேன்னும் லோஷன் அண்ணா சொல்றார் அதுக்கு அது கூடாது என்று ஆரம்பித்த அருந்தி அக்கா சொன்னாங்க மனிதனுடைய ஆற்றலுக்கு அப்பாற்பட்டது எவ்வளவோ இருக்கு நீங்க கூட கடவுள தேடி பேவீங்க உங்களுக்காக இல்லன்னாலும் உங்க குடும்பத்துக்காகவாவது செய்வீங்க இப்படி நேர் எதிரான கருத்துக்கள் பறந்து கொண்டிருந்த போது எனக்கொரு விஷயம் எழுதனும் போல இருந்தது பள்ளிகளிலும் கோயில்களிலும் ஏன் எல்லா மதத்தலங்களிலும் அதிகம் கடவுளை தரிசிப்பவர்கள் 50 வயதை தாண்டியவர்கள் பொதுவாக வாழ்க்கையை கிட்டத்தட்ட முழுமையாக வாழ்ந்தவர்கள். ஏன் இந்த வயதெல்லையில் இருப்பவர்கள் அதிகம் கடவுளை தரிசிக்கனும் தெளிவாக புரியுது மரண பயம்....... இது ஏன் ஆரம்பத்துல வரக்கூடாது? எப்படி வரும். 50 வயதுக்கு பிறகு மரணம் நேரும் என்பது நிச்சயமான உண்மை ஆனால் அதற்கு முதலும் வரலாம் வராமலும் போகலாம்.

இந்த 50 வருட வாழ்க்கையில கிட்டத்தட்ட அரைவாசி முடிஞ்சுது (அதுக்காக எனக்கு 25 வயதுன்னு நீங்க நினைக்க கூடாது) அதுக்குள்ள நான் கத்துக்கிட்டத கொட்டப்போறேன். வாழ்க்கைய புரிந்து கொள்ள எனக்கு ரொம்ப காலம் எடுத்தது. என்னுடைய மத குரு, ஊடகத்தில் காலடி எடுத்து வைக்க காரணமாக இருந்தவருடைய இறப்பு என்னை ரொம்பவும் யோசிக்க வைத்தது. இப்ப கூட என்னுடைய கையடக்கத்தொலைபேசியில ஏதாவதொரு இலக்கத்த தேடும்போது அவருடைய இலக்கம் கடந்து போகும் அப்ப நான் பட்ற வேதனைய சொல்ல வார்த்தைகள் இல்ல அந்த இலக்கம் இப்ப பாவனையில் இல்லையென்றாலும் அத அழிக்கிறதுக்கு மனசும் இல்ல. அவரு சொல்லி கொடுத்த நல்ல விஷயங்கள கொஞ்சம் கொஞ்சமா கடைபிடிக் ஆரம்பிச்சிட்டேன். எஞ்சியிருக்கிற அரைவாசி வாழ்க்கையில சரி நல்லவனா வாழ முயற்சி செய்யப்போறேன். இல்லையென்றால் நாலு பேர் தப்பா பேசுவாங்க..

ஊடகத்துறையை விட்டுவிட்டு அப்பாவோட சேர்ந்து வியாபாரத்தை கவனி இல்லன்னா மேல்படிப்பை கவனின்னு அடிக்கடி சொல்ற அம்மாவோட வார்த்தைக்கு காது கொடுக்கலாம்னு நினைக்கும் போதே எனக்கு ஞாபகத்துக்கு வாரது அன்னை வானொலி இலங்கை வானொலியில் அறிவிப்பாளராக 8 மாதகாலமாக நான் பெற்ற கடுமையான பயிற்சி. அறிவிப்பாளனாக இப்படி ஒரு பயிற்சியான்னு அன்று வெறுத்துப்போனாலும் இன்று அதன் தேவையை உணர்கிறேன்.

திரு அப்துல் ஹமீத், திரு ஜெயகிருஷ;ணா, திரு சந்திரமோகன், மறைந்த திரு கணேஷ;வரன், திருமதி ராஜேஷ;வரி சண்முகம், திரு ராஜகுரு சேனாதிபதி, திரு அஹமத் முனவ்வர் இவர்களிடம் அறிவிப்புத்துறையின் குழந்தைப்பருவத்தில் பெற்ற பயிற்சி என்னை இன்று வெற்றி வானொலியின் உதவி முகாமையாளர் கதிரையில் அமர வைத்திருக்கிறது. இவ்வாறான ஒரு பதவி எனக்கு கிடைத்திருக்காவிட்டால் ஒரு வேளை ஊடகத்துறைக்கு விடை கொடுத்திருப்பேன். இந்த புதிய பயணத்தில் நான் சந்தித்தவர்களில் ஒருவர் லோஷன் அண்ணா இவர்தான் வெற்றியின் முகாமையாளர் என்னோட புதிய குரு. முகாமையாளர் பயிற்சி நெறிக்கான என்னுடைய குரு (ஆனால் அவர் கட்டணம் அறவிடுவதில்லை) அவ்வப்போது அவர் சொல்லித்தருகிற நல்ல விஷயங்களை எனது நாட்குறிப்பு பதிவு செய்யும்;. எப்பவுமே பைபிளோடு நான் பார்க்கிற அருந்ததி அக்கா, வெற்றியின் ஒழுங்கமைப்பாளர் இலங்கையில் தனியார் வானொலியின் ஆரம்பம் முதல் இன்று வரை பல நட்சத்திரங்களை பார்த்தவர் இவரிடமிருந்து நான் பெற வேண்டிய அனுபவ அறிவு ஏராளம். இப்படி இன்னும் ஏராளமாக சொல்லலாம் அதுக்குள்ள பல வருஷங்கள் ஓடிடும் அப்போ நான் எப்ப நல்லவனாகிறது? இல்லையென்றால் நாலு பேர் தப்பா பேசுவாங்க..

பதவியும் பணமும் இல்லாத போது இருந்த சந்தோஷம் இப்ப என்கிட்ட இல்ல. பணமும் பதவியும் நிரந்தரமில்;லை என்பதை தற்போதைய உலக பொருளாதாரமும் அரசியலும் உறுதிப்படுத்துவதாக அண்மையில் 16வது பாப்பரசர் சொல்;லியிருந்தார். எளிமையாக வாழ்ந்த நபிகள் நாயகமும் புத்தரும் அதற்கு நல்ல உதாரணம். பணம் கொஞ்சம் அதிகமாக இருந்தா இன்னும் கொஞ்சம் சேர்க்கலாமே அப்படி ஒரு ஆசை. பதவி இருந்தா அடுத்தவர்களால தொல்லை. இது இரண்டும் இல்லாத ஒரு வாழ்க்கைய தேட கொஞ்சம் காலம் தேவை. அதுக்குள்ள நாலு பேர் தப்பா பேச மாட்டாங்களா?

5 வருட ஊடகத்துறை வாழ்விலும் சரி அதற்காக ஏங்கிய நாட்களிலும் சரி எத்தனையோ விதமான மனிதர்களை பார்த்துவிட்டேன்;. எங்க குடும்பத்துலயும் சரி பரம்பரையிலும் சரி ஊடகத்துறையில் யாரும் கால் பதித்ததில்ல. ஏன் அது பற்றி அறிந்ததும் இல்ல. எங்கப்பா புகையிரதத்தில பேப்பர் போட்டு உழைப்பை தெடங்கினவரு. அப்புறம் நான் எப்படி அறிவிப்பாளரானேன்னு கேட்கிறீங்களா? அம்மா ஒரு ஓய்வு பெற்ற ஆசிரியை. பாடசாலையில் அவங்ககிட்ட படிக்க கிடைச்சது பெரும் பாக்கியம். இப்போ இலங்கை அரச தொலைக்காட்சியில் செய்தி வாசிப்பாளராகவும், தொகுப்பாளராகவும், வெற்றி எப் எம் தனியார் வானொலியின் உதவி முகாமையாளராகவும் இருக்கேன். கொஞ்ச காலத்துக்கு முதல்ல இதெல்லாம் வெறும் இலட்சியக்கனவு எனக்கு. அத அடைய நான் எடுத்த 4 வருடங்கள் எதிர்பார்ப்புகளுடனும் ஏக்கத்துடனும் கழிந்ததால் நாட்கள் நகர்ந்ததே தெரியல. எனக்காக நான் வாழ்ந்தது தான் அதிகம் இந்த இடைப்பட்ட காலத்தில் கவலையாக இருந்த சில சந்தர்ப்பங்களில் சில நல்ல மனிதர்களின் நாலு வார்த்தை மனசுக்கு ஆறுதலாக இருக்கும். அண்மையில் கொஞ்சம் மனசுக்கு கவலையா இருந்தது அப்போ என்னோட மூத்த அதிகாரி ஒருவர் சொன்ன ஒரு விஷயம் நகைச்சுவையாக இருந்தாலும் ஏற்றுக்கொள்ளக்கூடியதாக இருந்தது உங்களை மனதளவில் பாதிப்படைய செய்கிறவர்களை நகைச்சுவை பாத்திரங்களாகவும்; அவர்களுடைய செயல்களை இவ்வாண்டின் சிறந்த நகைச்சுவையாகவும் எடுத்துக்கொள்ளுங்கள் பிரச்சினையே வராது என்றார்.
இறுதியாக ஒரு விஷயம் நான் உங்களுக்கு சொல்லவில்லையென்றால் நாலு பேர் தப்பா பேசுவாங்க.

உலகின் பணக்காரர் பில்கேட்ஸூம் சரி நாங்களும் சரி எதை கொண்டு போக போறோம். சூரியன் மேற்கில் உதிப்பதற்கு முன் எனக்கு நிறைய பொறுப்புகள் காத்திருக்கி;ன்றன ஏன்னா அதுக்கு பிறகு பிரார்த்தனைகளை என்னுடைய இறைவன் ஏற்றுக்கொள்ளமாட்டான்.
இப்ப சொல்லுங்க உங்களுக்கு தெரியுமா யார் அந்த நாலு பேர்?ஒரு வேளை நாத்தம் புடிச்ச நம்ம உடலை சுமந்து போக போற அந்த நாலு பேரா இருக்குமோ!!!!!

8 COMMENTS:

இலக்கியத்துக்கான நோபல் பரிசு

7:07 PM Hisham Mohamed - هشام 0 Comments


இலக்கியத்துக்கான நோபல் பரிசுக்காக பிரான்ஸ் நாட்டைச் சேர்ந்த Jean-Marie Gustave Le Clezio வின் பெயர் அறிவிக்கப்பட்டுள்ளது. Le Clezio வின் "sensual ecstasy" என்ற படைப்புதான் நோபல் பரிசுக்கு வழிவகுத்தது. 68 வயதான Le Clezio, "Desert"என்ற படைப்பின் மூலமாக இலக்கிய உலகிற்கு அறிமுகமானவர்.

0 COMMENTS:

நேபாள மக்களின் புதிய கடவுளாக மூன்று வயது சிறுமி தெரிவு செய்யப்பட்டுள்ளார்.

6:33 PM Hisham Mohamed - هشام 6 Comments


நேபாளம், காத்மண்டு மக்களின் நம்பிக்கை படி வழக்கமாக பெண் சிறுமிகளைதான் தெய்வமாக தெரிவு செய்து வணங்கி வருகிறார்கள். இவர்களை குமாரி என்று அழைப்பார்கள். 2 முதல் 4 வயது வரையான சிறுமிகள் கடவுள் தேர்வில் கலந்து கொள்வார்கள் இவ்வாறு தெரிவு செய்யப்படும் சிறுமிகள் இறுதிகட்ட தேர்வில் சித்தியடைந்தால் கடவுளாகும் வாய்ப்பு கிடைக்கும். ஆனால் அது அவ்வளவு இலகுவானதல்ல ஒரு அறையில் இரவு முழுவதும் இருக்க வேண்டும் அங்கே ஆட்டுத்தலைகளும் மாட்டுத்தலைகளும் வைக்கப்பட்டிருக்கும். குறித்த சிறுமி பருவ வயதை அடையும் போது புதிய கடவுளை தேடும் பணி தொடங்கும்.


சகல தேர்வுகளிலும் சித்தியடைந்து 3 வயது சிறுமி ஒருத்தி கடவுளாக தேர்ந்தெடுக்கப்பட்டிருக்கிறார். இவர் தன்னுடையை பெற்றோரை விட்டு பிரிந்து குறித்த ஒரு இடத்தில் இருக்க வேண்டும் என்பது தான் விதி இதனால் சிறுமியின் தந்தை atap Man Shaky குறிப்பிடுகையில் கொஞ்சம் கவலையாக இருந்தாலும் தன்னுடைய மகள் கடவுளாக போற்றப்படுவதை நினைத்து பெருமைப்படுகிறார். கடவுளாக போற்றப்படும் சிறுமி சிவப்பு நிற ஆடைகளை மாத்திரமே அணிய முடியும்.


குஷ'பு, எம் ஜி ஆர் இப்படி நிறைய பேருக்கு கோயில் கட்டி வழிபடும் போது இது சாதாரண விடயம். அவர்களுடைய நம்பிக்கை காலகாலமாக இப்படித்தான் இருக்கு என்ன செய்வது.............


நன்றி - msnbc

6 COMMENTS:

5 நிமிடத்தில் பயணம் செய்யக்கூடிய தொலைவில் இருந்த சகோதரியை 60 வருடங்களாக தேடிய சகோதரர்.

2:10 PM Hisham Mohamed - هشام 1 Comments


அண்ணன் என்னடா தம்பி என்னடான்னு வாழுகிற Fast Food யுகத்துல வித்தியாசமான ஒரு சம்பவம் லண்டனிலிருந்து.

George Culwick க்கு வயது 87 அவரது சகோதரி Lucy Heenan வயது 88, கடந்த 60 வருடங்களுக்கு முன்னர் George தனது தொழில் நிமித்தம் பல நாடுகளுக்கு செல்ல வேண்டி ஏற்பட்டதால் தனது 20ஆவது வயதில் புறப்பட்டு சென்றவர் தாயகம் திரும்பும் போது தன்னுடைய சகோதரி காணமல் போனதை உணர்ந்தார். பல வருடங்களாக இங்கிலாந்தின் பல மாநிலங்களிலும் தேடி அலைந்தும் அவரால் கண்டுபிடிக்க முடியாமல் போனது(இதுக்குதான் குடும்ப பாட்டு ஒன்னு தயாரிக்கனும்னு சொல்றது)

3மாதங்களுக்கு முன்னர் ஓய்வு பெற்ற George, நடைபெற்ற குடும்ப அங்கத்தவர் நிகழ்வொன்றில் இன்னுமொரு உறவினரின் உதவியுடன் சகோதரியை இனம் கண்டார். தான் வசித்த இடத்தில் இருந்து 5 நிமிடத்தில்(4miles) பயணம் செய்யக்கூடிய Quinton என்ற இடத்தில் 60 வருடங்களாக வசித்த சகோதரியை பிரிந்து வாழ்ந்ததை நினைத்துவருத்தப்படுகிறார் George.

தற்பொழுது பேரப்பிள்ளைகள் பூட்டப் பிள்ளைகளோடு ஓடி பிடித்து விளையாடுகிறார்களாம் அக்காவும் தம்பியும்.

1 COMMENTS:

நட்புக்கு இலக்கணம் ஆண்கள்

11:04 AM Hisham Mohamed - هشام 3 Comments


பெண்கள்
ஒரு மனைவி இரவு முழுதும் வீட்டுக்கு செல்லாமல் அடுத்த நாள் காலையில் தன்னுடைய கணவருக்கு அழைப்பினை ஏற்படுத்தி தான் தன்னுடைய தோழி வீட்டில் இருப்பதாக சொல்லியிருக்கிறார். அந்த கணவர் தன்னுடைய மனைவியின் பல இடங்களில் இருக்கும் பத்து தோழிகளிடம் விசாரித்த போது பத்து பேரும் அவள் வரவில்லையென சொல்லியிருக்கிறார்கள்.

ஆண்கள்
ஒரு கணவர் இரவு முழுதும் வீட்டுக்கு செல்லாமல் அடுத்த நாள் காலையில் தன்னுடைய மனைவிக்கு அழைப்பினை ஏற்படுத்தி தான் தன்னுடைய நண்பன் வீட்டில் இருப்பதாக சொல்லியிருக்கிறார். அந்த மனைவி தன்னுடைய கணவரின் பல இடங்களில் இருக்கும் பத்து நண்பர்களிடம் விசாரித்த போது 5 நண்பர்கள் தன்னுடன் தங்கியதாகவும் 5 பேர் இன்னும் தங்களுடன் தங்கியிருப்பதாகவும் சொல்லியிருக்கிறார்கள்.

எப்படி மாமா இப்படி திறந்த புத்தகமா இருக்கீங்க

3 COMMENTS:

யானை தாக்கி உயிரிழந்தவரை வைத்தியசாலையில் அனுமதித்தவர் பொலிசாரால் கைது செய்யப்பட்டுள்ளார் - இலங்கை.

10:30 AM Hisham Mohamed - هشام 1 Comments


இலங்கை, மொனராகல பிரேதேசத்தில் குளத்தில் விழுந்த யானையையும் அதன் குட்டியையும் காப்பாற்ற முயன்ற பொது மகன் ஒருவரை யானை தாக்கியதில் சம்பவ இடத்திலேயே அவர் உயிரிழந்தார்.

வேடிக்கை என்னவென்றால் வன விலங்கு அதிகாரிகளோ சம்பவத்தை வேடிக்கை பார்த்தார்கள், பொலிசார் தன் பங்கிற்கு உயிரிழந்தவரை வைத்தியசாலையில் அனுமதித்தவரை கைது செய்தார்கள்.

1 COMMENTS: