நடிகைகளுக்கு ஆபத்தான இயக்குனர் கௌதம் மேனன்.

ஒரே நிகழ்வு இரண்டு முறை ஏற்பட்டால் அது எதிர்பாராத நிகழ்வு. ஆனால் திரும்பத்திரும்ப நான்கு முறை அதே நிகழ்ந்தால் அது எப்படி எதிர்பாரா நிகழ்வாகும்?
(தப்பா நினைக்காதிங்க கௌதம் மேனன் அவ்வளவு மோசமானவர் இல்ல)

ஒவ்வொரு இயக்குனர்களும் தங்களுக்கென்று ஒரு சில முத்திரை குத்தப்பட்ட விடயங்களை படத்தில் வைத்தி;ருப்பார்கள். இயக்குனர் மணிரத்னம் திருமணத்தின் பின் கணவன் மனைவி உறவை அவருடைய அனேகமான படங்களில் காட்டியிருப்பார். இப்படி பல விதமான பேர் இருக்கிறார்கள். (பேரரசு பற்றி சொல்ல மாட்டிங்களான்னு கேட்காதிங்க அவரு ஒரே கதைய வச்சு வித்தியாசமான நடிகர்களை பயன்படுத்தி ரசிகர்களை ஏமாத்துறவரு).

கௌதமின் திரைப்படங்கள் யதார்த்தமானவை. நான் என்னை மறந்து ரசித்திருக்கிறேன். அதில் ஹரிஸ் இற்கும் பங்குண்டு. வாரணம் ஆயிரம் என்ற அற்புதமான படைப்பை பார்த்த பிறகு அவருடைய கடந்த கால திரைப்படங்களை நினைவு கூர்ந்தேன். மின்னலே படத்தை தவிர ஏனைய நான்கு படங்களிலும் ஒரு ஒற்றுமை முக்கியமான பாத்திரத்தை கொலை செய்து விடுவார். அதுவும் குறிப்பாக பெண் பாத்திரம்.

காக்க காக்க படத்தில் மாயா(ஜோதிகா) எதிரிகளால் சுட்டு வீழ்த்தப்படுகிறாள். வேட்டையாடு விளையாடு படத்தில் ஆராதனா(ஜோதிகா) மரணத்தின் விளிம்பில் காப்பற்றப்பட்டாலும் கயல்விழி(கமலினி முகர்ஜி) முதல் பாதியில் கொலைசெய்யப்படுகிறாள். பச்சைக்கிளி முத்துச்சரம் மீண்டும் ஜோதிகா ஆனால் இப்பொழுது மாறுபட்ட பாத்திரம் சரத்குமார் சுட்டு வீழ்த்துகிறார். இறுதியாக வாரணம் ஆயிரம் (மூன்று கதாநாயகிகள் கொண்ட இந்த படத்தை பார்க்காதவர்கள் திட்டுவாங்க என்ற காரணத்தால சொல்ல மாட்டேன் பாத்து தெரிஞ்சுகிங்க.)

இவருடைய திரைக்கதையில் முன்னணி பெண் கதாப்பாத்திரத்திற்கு பாதுகாப்பில்லை(அதுக்காக மு--- பொலீசை கூப்பிடவா முடியும்). ஆனால் திரைக்கதை நல்ல ஒரு கருவை கொண்டிருக்கும் . இன்னுமொரு ஒற்றுமை KK, VV, PM, VA இந்த படங்களில் பாதுகாப்பு துறையை சம்பந்தப்படுத்தியிருப்பார். துப்பாக்கி ரவைகள் பல உயிர்களை பதம் பார்த்திருக்கும்.

(அடுத்து பலியாகப் போறது யாருன்னு தெரியலயே......) Share